今年投資真屬一般,睇返全年回報既波幅都處於正負10%之內,唔知係
咪轉左以7200為主力既打法,,睇黎呢個都仲要少少時間來適應.
眼見有d網友今年回報真係非常唔錯,下年自己都要積極d先得.
因為股票倉已經變左唔係以股息收入為主力,所以今年股息收入只有1572/月
而淨資產回報就有3.5%
今年係第2年全冇工作收入,保得住有正增長,唔駛坐食出崩,都算開心既,
希望來年都可以啦
來年都係執行以7200為主力既打法,股息收入為副,希望適應後,可以增加
來年既回報.
cash 80.9%
2660 8.0%
543 6.9%
321 4.1%
0.0% YTD
好少見師兄買美股！！路過的讀者
回覆刪除一向都好怕高追股票,但依家股市顯現一個強者越強既境況
刪除都想參與呢場盛宴,但年紀大固有思想太深,一時三刻改變唔切
趁勢可以小注試吓，改變一下思維也無妨，或許開拓新領域靈感，投資工具，買任何東西都無必勝，反正美股一股都有交易，試吓無壞，再加上咁多美股 blog友提点，怕甚麽，老實說玩來玩去都係那幾個no, 有点納悶的感覺，加油師兄！！路過的讀者
回覆刪除有諗過用個細注碼參與d熱門股,但見一個月升左幾十%,一年升左幾陪始終買唔落手,其實都係見投資美股的blog友回報好,先想參與
刪除點講好呢??有錢賺既投資工具,基本上我都唔介意參與
但都要適合自己現時既境況,我已退落黎,冇工作收入,股票視作可賺夠生活費既遊戲,基本上呢兩年投資回報少左都同投資保守左,有極大關系
就算買美股,都只係小注買參與下,唔賺得幾多
不如集中自己熟識既,注碼大d,回報先大
不過都多謝你既意見,希望大家都有唔錯既回報
點講好呢！雖然話我係路過的讀者，但認真來說，我也看你的 blog起碼超過五年以上，就係覺得你有D保守及已退下正常的工作，所以事事都有點避忌，說老實点兒股海理財blog界，能浮出水面吸口新鮮空氧有幾人，還不是在水中尋尋覓覓，混水摸魚，強如很多理財精英，都會陰溝船翻，例如邊個邊個，我時常覺得師兄這種保守投資手法，很容易陰乾，又或者遇到一巨浪，就會全軍覆沒，又或者銀彈損耗一大半，令投資攻畧進退失據，反而從生活的層面，思考動用腦筋，充分利用一切可用的資源，接觸學習一些綱上新事物，希望觸發新靈感契機，又或者疫情過後，跟沙梨走一轉惠州散散心，Anyway 師兄放開懷抱，繼續加油！路過的讀者
回覆刪除呢個就係目標與策略既關系,以前我既目標係資產增值到夠財自,當時又有工作,策略當然進取,所以經常都滿倉股票,去到盡,追求高回報
刪除正正退落黎後,目標每年有10%已經夠哂,策略自然趨向保守,不過都發覺似乎保守左d,令呢兩年回報只夠生活費,而唔夠10%,不過又唔太介意,要d時間調節一下,相信問題唔太大.
我一向都相信高風險高回報,正正我怕遇上巨浪翻船,所以投資先轉向保守.
投資係一世人的賺錢遊戲,現在又唔駛追求高回報,慢慢玩,慢慢享受,有高回報當然高興,冇既下年又來過
沙梨你都識?佢又唔知去左邊度玩啦
睇得師兄咁多年，自然睇埋你身邊的良師益友，例如一千萬兄及其他帶刀待衛，沙梨曾一度財自，衆望所歸的小師妹，後來卻又回歸股海，聽聞她疫情後，多往惠州及外地遊玩，不知 WW師兄有沒有看 AC蓄儲 blog, 他有個讀書會，最近招攬會員，有興趣不妨參加，又可識多D新朋友，生活上亦較充實。不要提我介紹。��路過的讀者
回覆刪除