今年回報差不多已經歸零,買股仲衰過做定期.
不過都係按照原定計劃,慢慢買883,現金已經冇乜,再跌唯有用盡佢,
跟住就躺平,等收息或等死🤣🤣
恆指睇黎應該會係低位橫行一段時間,冇乜錢加注又唔會走,黎梗
應該冇乜動作,可以休息了.
今年回報差不多已經歸零,買股仲衰過做定期.
不過都係按照原定計劃,慢慢買883,現金已經冇乜,再跌唯有用盡佢,
跟住就躺平,等收息或等死🤣🤣
恆指睇黎應該會係低位橫行一段時間,冇乜錢加注又唔會走,黎梗
應該冇乜動作,可以休息了.
剛睇左Duncan兄講財自投資主要是美股,長線持有增長型股份.
而自己最初一役係來自1830,記得係0.7x開始收隻,買到佔比好像
去到8-9成,依家唔會咁勇la,最後2.x已估清,我歸纇佢為高息型增長股
,而投資都希望搵到呢纇股份買,睇到佢全靠有個blog友買左,呢個亦
係我鐘意睇biog原因.
呢類股好難搵,依家搵到既多數係平穩高息股,但都唔錯丫平平穩穩,
坐定定唔駛做,又出糧
係熊市下要賺價差真係好難,股價係咁跌反而股息率會高左,
所以要買d派息確定性高既股,今日又加返d883,今年當派1.3扣除
股息稅,實收約9厘息,而佢派息比較穩定,就算減派d,點樣都仲有
8,9厘息,係慢長既熊市下,再跌就慢慢加
反而沽清左隻3818,係熊市都係買D確定性高既股,價係殘但要
博佢業績改善,都係先沽左,睇下佢業績點先算
一直都對恆指冇咩期望,原因係以往大跌後,好快就會以V型上升返,
但今次好像會行個L型,代表會係低位橫行一段時間,為應付呢個
唔知會幾長既寒冬,又執下個倉
既然係寒冬,當然要儲備d糧草,保留d現金,有平價野時都要有錢買丫,
需然隻油唔錯,但始終係恆指成份股,係唔睇好恆指下,只好減倉啦,
其它就以高息股為主,跌左都有股息補下血,但係依家好似通街都係
高息股,好難揀
希望可以捱過呢個漫長既寒冬,等待春天來臨
剛係人地個blog留言再post係到
呢部份有d私隱,平時都唔會講,見你講又講下自己情況
我2018年唔撈,剛入5,最關切當然係金錢,可唔可以持續,要再出黎工作就大鑊.
當時個個問咁早唔做??好似當你有問題咁,我只係唔想為金錢出賣自己既時間摭過往恆指大跌後,多數都會V型既上升,但今次像行個L型,橫行既
型態,所以對恆指唔會有咩期望
現時冇咩好做,買哂d高息股,乖乖咁等收息,因為冇新錢投入,
只好等收息再投入,期待又期待
呢幾年一直都想將重心轉移到以ETF為主,
買股票一向都會止蝕,但ETF一路都糾纏於止唔止蝕呢個問題上.
終於係上年出事輸鑊金.
今日忽發奇想,終於解決左呢個問題,奇實好簡單,但之前一直都
諗唔到??現時以2萬點為分水嶺,係2萬點之上就會進行止蝕動作,
係2萬點之下,就會改為越跌越加注
咁簡單既問題,點解一真都諗唔到??解決左,心情都好左,
所以要記錄一下
暫時股票同ETF以50/50,雙軌進行
完美演繹低賣高買,但都唔理了,買返一注先,跌就再加,
升都叫有倉底,唔會太被動.
收到386股息補補血,7月仲有幾隻股息到帳,可以補下血
恆指近排係咁跌,以現時持股約80%,覺得合適,沒必要去得太盡,
而且自己睇恆指是睇得比較淡,留有資金,低位起碼仲有錢買貨.
可惜的是期指睇岩向下,但是俾震走左,仲要輸錢,始終初玩,
要累積下經驗,現時冇倉,跌左就唔追了,
現時都唔會點做買賣,休養生息下先,等待股息回來,再想下一步
呢幾年嘗試以ETF做主打,上年重輸鑊金,經過幾年既試驗,正式
宣告失敗,呢次試驗真係輸唔少有D傷,所以以後應該都唔會
再買ETF.
但亦都開始另一個試驗,就係想左好耐而冇開始既期指,X才
戶口淨番9xK,如果輸哂就算數,唔會入錢,現時手持 -1張細期.
而股票當然係繼續以高息股為主,乖乖地等收息
cash 23.0%恆指可以話係一譚死水,成交又低,之前科技股升到高高,就納入
依家就跌返夠本.
依家就為量而加,睇黎恆指應該都冇運行,自求多福吧
唯有專注返收息股,黎梗又徐淨,跌市都可以用股息頂下
恆指比較混亂,但冇ETF做倉底,怕佢爆升時,就變得被動,所以買d
最穩陣既2800做倉底先.
現在確定性高既係6月徐淨又派高股息,兼且有D係公佈左
首季業績又唔差既股.
買返之前減持既883,仲買貴左添😣,佢都要學386咁,變成死揸
唔放既股,乖乖咁等除淨收息算了
原先估計恆指會上升,所以全倉持股,但佢表現不似預期,保守D
止蝕左ETF,再執下個倉.
386業績後減派息,被震走左少少持股,但股價表現反而十分
強勁,唔敢再減la,淨低既變為死揸唔放.
反而883業績好,高息,股價就唔多升,你話點估得到.
要係股市賺錢真係一D都唔容易,但亦都係佢好玩之處,
好好地玩好呢個游戲
世界真係唔會有咁大隻蛤乸隨街跳,市場永遠都是對的
証明投資個股係有一定風險,ETF係好選擇,早兩年決定
轉向ETF係正確,不過揀選7200係錯,依家再揀3033,
依家已經買到冇錢,所以要躺平,要等派息救濟
cash 1.0%一直都等883出盈喜,真係鬼暗眼,原來佢1月已經出左盈喜,
咁都睇唔到..哈哈
以盈喜內容計,派息率40%,末期息最少都應該有0.9元,
係最少喎,如果派息率係50%或以上,都唔敢想象會派幾多息,
但係.........
但係真係有咁大隻蛤乸隨街跳???股價咁平任你買???市場永
遠都是對的,錯的永遠是自己,今早已經左手禁住右手,但係
都入番上星期減少的,仲.......
仲買多左....有D仲係低位排緊隊,未買到添.....哈哈,
如果今次都係買錯,唯有又搵老朋友止蝕出黎攪掂佢,
仲要唱多首譚校長名曲,這陷阱...這陷阱...偏我遇上
止蝕左大部份既1205,而639同883到依家都冇出盈喜,
為左令持倉坐得穩D,趁今日升市沽清左639,
減左d 883,睇左業績後先再決定會唔會再買返
早幾日先話白忙一場,恆指兩野就插到19xxx,
估唔到上年先係咁,咁快又黎??希望今次應對跌市比上年好
手揸既股,希望今次可以派高息可以補下血.多d現金買貨啦
現在現金唔多,買貨要慎重,避免過早用完,盡量減慢買貨既速度
約1個月前減持股份,恆指係跌左既,但減持既股份目前綠得兩升兩跌,
以金錢計應該冇乜上落掛,攪咁多又買又賣,真係不如坐定定.
依家仲要搵機會買返添,真係羅黎攪,2隻油升左就唔追返了,既然恆指跌左
,就買D盈富看門口,其它目標都係果幾隻,睇下有冇機會買啦
多得blog 友鄉下仔提點,再檢視過後,都係保守D好,唔加注之餘,
今日仲食左D糊,減少左持倉,
對後市既升跌,係唔確定,減倉主要係令自己持股會舒服D
恆指稍為回調,睇電視好多都話升左8千點,會調整,會跌返幾多
幾多.會唔會跌??跌幾多我真唔知,只知道仲有現金係手.
跌咪俾機會我買貨,一於慢慢買,依家已買到現金只剩10%,
越跌越買,升就唔買,現時目標有3隻,700,1205,819,睇下邊隻
跌,就買邊隻,用完現金為止
恆指繼續上升,兩隻油終於入完油開始開車,今年算有個好開始.
認真翻開返紀錄,呢兩年都係負回報,上年更加輸鑊金,而呢兩年
正正是嘗試以7200ETF來做主力,再細睇上年,原來輸既有5X%係
來自7200,佔左過半,回報就係實證,唔到自己唔面對現實.
而且今年因預留資金買7200,浪費左D機會成本,所以認真檢討
過,未來只當7200為一隻普通股票來看,有機會都會買,但唔一定
要投資佢.
恆指直線上升,完全沒有機會介入買7200,而2隻油股就斯人獨憔悴,完全跟
唔到,不過相信2隻油,今年都應該派到10%息左右,既然時勢不與我,唯有
乖乖坐在一旁觀賞,靜靜地等收息啦.
cash 38.8%
386 30.4%
883 30.7%
0.0% YTD