將1599換哂做581,業績好同高息d
恆指係2萬到徘徊,前路睇唔明,唯有又用慢慢買,今次唔會再亂黎,每個月係
2萬左右,就買dd7200,當儲貨
等待明朗D,先會大注買,令願買貴d
將1599換哂做581,業績好同高息d
恆指係2萬到徘徊,前路睇唔明,唯有又用慢慢買,今次唔會再亂黎,每個月係
2萬左右,就買dd7200,當儲貨
等待明朗D,先會大注買,令願買貴d
呢期股票唔係咁順,正所謂贏谷輸縮,將持倉盡量減低,停一停,靜思一下先.
現時只會細注,買下7200保持對股市既觸感,再思考下,睇清前路先再行.
今年回報繼續跌,已經去到負13,x%,主要係1277跌既原因,
近來既操作主要都係增持收息股,買左1606同增持左1277,仲買返d7200,
而1277已經去到持股上限30%,冇得再增持了,有上限既規定,係被免受到致命
既重傷.
而7200感覺上,開始了解怎樣操作,但都要時間既驗證
現在只可等收股息補血同短炒7200,都做唔到d咩,今年既回報都好難攪
cash 30.5%呢兩年一直都想將投資重心,轉去7200之類既ETF,原理覺得恆指點樣
跌,坐下貨之後點都會升返,但一直都未能成功.
今次終於出事,係恆指大跌前,7200持倉過高去到5x%,令到大跌時冇空
間加注,仲要做風險管理,係低位減少持倉,即時蝕入肉,最高試過ytd負2x%,
都咪話唔傷.
學費交左,始終都係注碼分配上既問題,7200都係會投資,但倉位會係
約30%,而且會以中短線為主,股票就以中,長線高息股為主
今次好彩有1277追返d,但都仲蝕梗7.x%,而7200升上黎又減得早,依家已
經賣清,睇下有冇機會再買過啦
股票投資,無論玩左幾耐,每次大跌都唔同,次次都要學d野,先可以
長玩長有
恆指曾跌過千點,7200被打到遍體鄰傷,回報再創新低.
依家係考驗耐力和心態既時候,善用手頭既資源,預備同佢鬥
長命.
而鬥長命自己所選既股票,首要係有息收,最好係唔會因市況
差而唔派息,而7200冇息收,所以轉移買2800,
今朝排3個盤,1599玩鬼我,2.05成到2千股咁少,都唔知要黎做乜,
得2800真係成交到
總之股災下好好善用自己既資源,唔好跌市時就冇現金買貨,
升市時就冇貨成手現金.
恆指跌到21XXX,已經算係底位,但係咪最低點呢??唔知呢??
為左令持倉舒服d,減少左7200,係呢d位減持,其實係個不智之舉,
不過見識過股災既威力,那怕今次只係得萬份之一機會變成真正
股災,都係要做d防風措施.
投資是長途賽,只要有本,機會幾時都有
街又唔敢出,係屋企就黎發霉,希望疫情快D好啦
望住個股市,又由賺錢變蝕錢,感覺真係唔好,高位只係走左極少量,已經
買返d,但係見佢跌得咁急,已經嚇到唔敢再買,唯有不加不減坐定定
所以話股市係心理遊戲,要不斷學習,努力改進心態,
希望下次會做得更加好
依家有3個戶口買賣股票,年中開左X途,貪佢免佣每次買賣只收15蚊平
台費,兼送左1股蘋果,剛收到佢2021年既投資報告,買左股票咁多年,
都末收過咁既野,幾有趣.
總共成交過101次,成交金額共6百幾萬,真係估唔到原來成交過咁多,
即俾左1515蚊平台費,如果係銀行佣金要俾約13k,慳返過萬蚊,都咪話唔多.
而時間加權收益負19%,累計蝕左69k,蝕得最多既係7200蝕左35k,而賺得
最多既係1599賺左10k,個報告都好詳盡,幾有趣.
X途多方面都唔錯幾好用,係唔知穩唔穩陣,X才廣告成日話佢唔穩陣,但係
半年都慳左成萬蚊佣,用住先啦😄
cash 22.8%買過既3303,發盈警,股價就跌了,之前佢係0.9時想買返,冇買到,
都唔知算唔算係運氣.
中期業績明明好好的,突然就盈警,買個股越黎越感覺,有心冇力,
唔知幾時又中伏.
所以更加堅定要加入一定比例的7200,平衡風險.